Nekazaritza ekologikoa ongarri eta pestizida kimiko, gehigarri, eta orokorrean sintesiko produktu kimiko guztiei uko egiten dion abere eta labore ekoizpen sistema bat da.

Ostera, ingurugiroa hondatu eta elikagaiak kutsatu gabe ekoizpena bermatzen du; kultiboen txandatzeak, biodibertsitatearen lanketa, izurriteen kontrol biologikoa, ongarri berdeak eta bestelako teknikak erabiliz, lurraren emankortasuna eta ekosistemaren oreka mantendu eta hobetzea lortzen da.

Abere hazkuntzan, animalien ongizatea eta beraien berezko jokabideak ahalbidetzea bermatzen duen sistema da. Elikadura oinarria zuhaina da, eta pentsuak lagungarri gisa erabiltzekotan, jatorri ekologikokoak dira.

Europar Batasunak CEE 834/2007 araudiaren bidez nekazaritza ekologikoa arautzen du.