Duela 25 bat urte, lehenbiziko sagarrondoak landatuz, 10 urtera sagarrak ematen hasi ziren eta sagardoa egiten hasi ginen , hasieran etxerako ,eta pixkanaka gehiagora joan zen eta saltzen hasi ginen. Prozesu luze baten emaitza da gaur egungo egoera.

Sagarrondoak landatuz hasi ginen , gero sagardoa etorri zen eta orain sagar zukua egiteko proiektua dugu. Iaz pasteurizadora bat ekarri genuen eta probak egin genituen. Aurten bi produktuak edukiko ditugu eskuragai.

Nekazaritzan hasi nintzenetik garbi neukan natura errespetatu egin behar dela eta horretarako ekologikoa da onena.

Nahiko ondo ikusten du . Nekazaritza ekologikoa etorkizuneko nekazaritza da. Kontzientzi ekologikoa zabaltzen ari da nabarmenki, bai natura zaindu behar den ikuspegitik eta baita norberaren osasunaren ikuspegitik ere.